Kallað er eftir tillögum að erindum fyrir ráðstefnuna 8th International Conference on Watermarks in Digital Collections sem haldin verður í Eddu 19.–20. júní 2025.

Tillagan skal innihalda vinnutitil erindis, 100–300 orða útdrátt og upplýsingar um tengilið. Allar tillögur berist í einu skjali til Silviu Hufnagel (silvia@hi.is) og/eða Emanuel Wenger (emanuel.wenger@oeaw.ac.at). Skilafrestur er til og með 31. janúar 2025.

Sjá nánari upplýsingar á ensku.

Árnastofnun tekur þátt í Safnanótt á Vetrarhátíð sem fer fram 6.–9. febrúar. Safnanótt verður haldin föstudagskvöldið 7. febrúar og verða söfn víðs vegar á höfuðborgarsvæðinu opin fram eftir kvöldi.

Dagskrá:

1. Spurðu spilin á Safnanótt! Guðrún Tinna les í tarotspil og segir frá tarotspilum norrænna goðsagna á milli kl. 20 og 22 í anddyri Eddu.

2. Afmæliskveðjur til Nýja Íslands. Nýja Ísland í Kanada fagnar 150 ára afmæli í ár! 
Af þessu tilefni býðst gestum á Safnanótt í Eddu að senda afmæliskveðju til Nýja Íslands og fræðast um Vesturfarana. Póstkort verða á staðnum en gestir eru hvattir til þess að koma með gömul póstkort sem hægt verður að endurvinna. Viðburðurinn fer fram í kennslustofu Árnastofnunar í Eddu á 1. hæð og hentar öllum aldurshópum. 

3. Örfyrirlestrar fjórtán fræðimanna. Fyrirlestrarnir hefjast kl. 18.

Ellert Þór Jóhannsson. Ljósi varpað á ljós: um uppruna orðsins og merkingarblæbrigði þess

Katelin Parson. Myrkraverk skrifaranna: Forboðin handrit á 17. öld

Brynja Þorgeirsdóttir, lektor í íslenskum bókmenntum. Ráðgátan um elstu norrænu lækningabókina

Margaret Cormack. Hvenær varð Þorlákur Þórhallsson heilagur?

Gísli Sigurðsson. „Guðirnir geta verið ljós í myrkri“

Katrín Axelsdóttir. „Okkur Elínu langar þess ekki“: tilbrigði lítur dagsins ljós

Branislav Bédi. Íslenskukennsla í landi þar sem sólin rís (Japan) út frá menningarsögulegu sjónarhorni

Hlé verður gert í 20 mínútur.

Sigríður Sigurjónsdóttir, prófessor í íslenskri málfræði. Máltaka íslenskra barna í breyttu málumhverfi samtímans

Védís Ragnheiðardóttir, doktorsnemi og aðjunkt við Íslensku- og menningardeild. Skyggnst um spássíurnar

Hjalti Snær Ægisson. Heilagur Brendan og fuglarnir

Jóhannes B. Sigtryggsson. Ósýnileg greinarmerki

Einar Freyr Sigurðsson. William Labov og 4. hæðin

Ingibjörg Eyþórsdóttir. Kvæði af vallara systrabana og ljósið í heiðinni

Piergiorgio (Pétur) Consagra, kennari og doktorsnemi við Íslensku- og menningardeild. Ljós og myrkur í tveimur þáttum Flateyjarbókar

Stofnun Árna Magnússonar í íslenskum fræðum og hugvísindasvið Háskóla Íslands standa fyrir alþjóðlegum sumarskóla í íslenskri tungu og menningu í júlímánuði ár hvert. Námskeiðið er einkum ætlað stúdentum í tungumála- og bókmenntanámi en aðrir sem áhuga hafa á íslensku nútímamáli og menningu eiga þess kost að sækja námskeiðið.

15. febrúar er síðasti dagur til að skila inn umsóknum en sumarskólinn hefst 1. júlí 2025.

Sjá nánari upplýsingar um sumarskólann á íslensku eða ensku.

Davíð Þór Björg­vins­son, lagaprófessor og fyrrum dómari, mun fjalla um fornar lögbækur og gildandi lög í hádegisfyrirlestri í Eddu. Erindið er liður í fyrirlestraröð sem tengd er handritasýningunni Heimur í orðum sem hefur m.a. að geyma nokkrar fornar lögbækur.

Nánar um efni erindisins verður auglýst síðar.

Emily Lethbridge heldur hádegisfyrirlestur um örnefni í Íslendingasögum.

Nánar um viðburðinn síðar.

Giulia Zorzan doktorsnemi mun halda fyrirlestur um litarefni í handritum.

Nánar um fyrirlesturinn sem verður haldinn á ensku:

Pigments in manuscripts

This lecture will examine the material aspects of medieval book production, focusing on the main colourants used to decorate and enhance the texts in manuscripts. Drawing on recent non-invasive chemical analyses of selected Icelandic manuscripts (some of which are on display in the World in Words Exhibition), the lecture will present new insights into the dyes and pigments available to Icelandic scribes and artists in the Middle Ages. The findings indicate that, while possible local materials such as earths and lichens were utilised, Icelandic craftsmen also relied heavily on imported materials. Significantly, some of these were of considerable value and were available in Europe through extensive trading routes extending to the East, such as the expensive lapis lazuli used to obtain the so-called “ultramarine blue”.