Bókin Kurteisleg kvæði og dýrlegar diktanir. Bókmenntagreinar og handritamenning á sautjándu öld eftir Þórunni Sigurðardóttur, prófessor emeritus á Stofnun Árna Magnússonar í íslenskum fræðum, er komin út hjá Árnastofnun.
Styrkir Snorra Sturlusonar fyrir árið 2025 voru auglýstir í september síðastliðnum með umsóknarfresti til 1. desember. Þrjátíu umsóknir frá nítján löndum bárust en nefndin hefur nú tilkynnt um styrkhafa.
Árnastofnun hefur nú flutt öll handrit, sem hún hefur til varðveislu, í nýtt öryggisrými í Eddu. Um er að ræða um 2000 handrit, 1345 fornbréf og um 6000 fornbréfauppskriftir.
Hjalti Snær Ægisson hóf störf sem rannsóknarlektor á menningarsviði stofnunarinnar 2. janúar 2025. Rannsóknir hans beinast einkum að norrænum miðaldabókmenntum, fornmenntum og þýðingum.
Í ár velur Árnastofnun orð ársins í tíunda sinn. Valin eru tíu orð sem talin eru hafa minnt á árið með einhverjum hætti en orð ársins 2024, sem talið er hafa staðið upp úr er Hraunkæling.
Gripla, alþjóðlegt ritrýnt ISI-tímarit Árnastofnunar um handrita-, bókmennta- og þjóðfræði, er komin út með ellefu fræðiritgerðum (tveimur á íslensku og níu á ensku með ágripum á báðum málum) og útgáfum stuttra texta.
Vefritið, sem er á vegum íslenskusviðs Árnastofnunar, er nýr vettvangur til að miðla þekkingu og reifa álitamál er varða íslensku og önnur mál sem töluð eru hér á landi.
Félagar í Vinum Árnastofnunar fá sérstök afsláttarkjör, meðal annars á útgáfubókum stofnunarinnar, aðgangsmiða að handritasýningunni Heimur í orðum og safnbúð sýningarinnar.
„The Rímur Poetry of Ten Kvæðamenn: Research on Variations“ er gefin út sem rafbók þannig að einnig er hægt að hlusta á flutning kvæðamannanna á rímum. Í bókinni er sagt frá söfnun og rannsókn á rímnakveðskap tíu kvæðamanna á árunum 1964–1971.
