NORDKURS-fundur í Reykjavík
Edda
Arngrímsgötu 5
Reykjavík 107
Ísland
Árlegur NORDKURS-fundur verður haldinn í Eddu 18.–21. september og annast íslenskusvið Árnastofnunar skipulagningu hans. Á fundinum verður rætt um þau námskeið sem haldin hafa verið á árinu, tekin ákvörðun um námskeið næsta árs og gerð áætlun um framtíðarnámskeið.
Dagskrá fundar 19. september
9.00–9.10 Forstöðumaður norrænu samtakanna NORDKURS setur fundinn.
9.10–10.00 Fréttir frá norrænu samtökunum NORDKURS. Ný heimasíða.
10.00–10.30 Hlé.
10.30–12.00 Ársskýrslur.
12.00–13.00 Hádegisverður.
13.00–13.30 Ganga um háskólasvæðið og heimsókn í háskólastofnanir.
13.30–14.00 Heimsókn á sýninguna „Ljáðu mér vængi“ í Loftskeytastöðinni.
14.00–14.30 Hlé.
14.30–16.00 Fundur landsfulltrúa NORDKURS (í fundarherberginu á 2. hæð).
14.30–16.00 Málstofa fyrir fulltrúa og kennara NORDKURS (málstofa á 2. hæð).
Gestafyrirlesarar:
14.30–15.00 Starkaður Barkarson: Tungumálagáttir – saga tveggja gátta (Language portals – a tale of two portals)
15.00–15.30 Fjóla K. Guðmundsdóttir: Stafræn miðlun og samfélagsmiðlar (Digital dissemination and social media)
15.30–16.00 Guðrún Laufey Guðmundsdóttir: Íslenskar miðaldabókmenntir í gagnagrunnum (Islandske Sagaer i databaser)
16.00–16.10 Fundarslit.
Nánari upplýsingar um samtökin er að finna á heimasíðu NORDKURS.
Spjall um orðabækur á Amtsbókasafninu á Akureyri
Amtsbókasafnið á Akureyri
Brekkugötu 17
Akureyri 600
Ísland
Helga Hilmisdóttir, sviðsstjóri íslenskusviðs Árnastofnunar, verður á Amtsbókasafninu á Akureyri 9. október þar sem hún mun segja frá orðabókum og gagnasöfnum á vegum stofnunarinnar.
Hvaða orðabækur eru aðgengilegar á vefnum og hvar finn ég þær? Af hverju er stofnunin með svona margar orðabækur og hver er munurinn á þeim? Eru fleiri orðabækur á leiðinni? Hvað vantar?
Kennarar, nemendur og allt áhugafólk um íslenska tungu er hvatt til þess að koma og ræða málin.
Ársfundur Nordiskt forum för folkmusikforskning och -dokumentation
Árlegur fundur Nordiskt forum för folkmusikforskning och -dokumentation verður haldinn á Íslandi 20. og 21. nóvember 2024.
NoFF er samstarfsnet norrænna þjóðlagafræðinga sem tengjast þjóðfræðisöfnum. Fundir eru haldnir árlega, til skiptis í Danmörku, Finnlandi, Íslandi, Noregi og Svíþjóð. Tengiliður á Íslandi er Rósa Þorsteinsdóttir.
Umsóknarfrestur um styrk til BA-náms í íslensku sem öðru máli
Stofnun Árna Magnússonar í íslenskum fræðum annast umsýslu með styrkjum menningar- og viðskiptaráðuneytis til erlendra stúdenta til að stunda íslenskunám við Háskóla Íslands.
Árlega eru veittir um það bil tólf styrkir til BA-náms í íslensku sem öðru máli. Nemendur verða að hafa lokið a.m.k. einu námsári á háskólastigi.
Umsóknarfrestur er til 1. desember. Sjá nánari upplýsingar um styrkinn og skráningarblað á ensku.
Umsóknarfrestur um styrki Snorra Sturlusonar
Stofnun Árna Magnússonar í íslenskum fræðum annast styrki Snorra Sturlusonar. Styrkirnir eru veittir erlendum rithöfundum, þýðendum og fræðimönnum (ekki háskólastúdentum) á sviði hugvísinda til að dveljast á Íslandi í þrjá mánuði hið minnsta í því skyni að kynnast sem best íslenskri tungu, menningu og mannlífi.
Styrkirnir miðast að öllu jöfnu við greiðslu á ferðakostnaði styrkþega til og frá Íslandi og dvalarkostnaði innanlands. Af tveimur jafnhæfum umsækjendum skal að jafnaði sá hljóta styrk sem er frá Austur- og Suður-Evrópu, Asíu, Afríku, Rómönsku Ameríku eða Eyjaálfu.
Umsóknarfrestur er til 1. desember. Sjá nánar um styrkinn og skráningarblað á upplýsingasíðu.