Alþjóðlegt sumarnámskeið í íslensku

Mánudaginn 5. júlí 2010, hefst fjögurra vikna alþjóðlegt sumarnámskeið í íslensku í Háskóla Íslands. Námskeiðið er ætlað erlendum háskólastúdentum. Stofnun Árna Magnússonar í íslenskum fræðum gengst fyrir námskeiðinu í samvinnu við hugvísindasvið Háskóla Íslands og annast skipulagningu þess.

Norrænn ferðastyrkur fyrir rithöfund

Veittar verða kr. 150.000 til að styrkja rithöfund til dvalar á Norðurlöndum. Umsóknir um styrkinn skulu berast Bókasafnssjóði höfunda, Dyngjuvegi 8, 104 Reykjavík. Síðasti skiladagur umsóknanna er 9. júlí 2010. Þeim skal fylgja greinargerð um hvernig umsækjandi hyggst verja styrknum.

Sendiherra Íslands í Þýskalandi opnar „Handritin heima“ á þýsku

Ný vefslóð Orðabankans

Ný vefslóð Orðabankans er www.ordabanki.hi.is. Fyrri slóð, http://herdubreid.rhi.hi.is:1026/wordbank/search, er ekki lengur virk.

Icelandic Online - ný námskeið opnuð

Þrjú ný Icelandic Online námskeið verða opnuð í Norræna húsinu 7. september kl. 16. Vigdís Finnbogadóttir opnar námskeiðin. Icelandic Online er vefnámskeið í íslensku sem öðru máli. Þegar hafa verið útbúin námskeiðin Icelandic Online og Icelandic Online 2.

Frændafundur 7 - Íslensk-færeysk ráðstefna, 21.–23. ágúst

Frændafundur 7 er ráðstefna sem er haldin á vegum Hugvísindasviðs Háskóla Íslands og Fróðskaparseturs Føroya í samvinnu við Norræna húsið. Á ráðstefnunni verður fjallað um fjölbreytileg efni sem tengjast Íslandi og Færeyjum. Öllum er heimill ókeypis aðgangur.

Handrit, tónlist og fleira á Menningarnótt

Fjölbreytt tónlist verður flutt allan daginn og fram á kvöld í Bókasal Þjóðmenningarhússins á Menningarnótt. Dagskráin hefst strax kl. 14 og lýkur á ellefta tímanum um kvöldið. Enginn aðgangseyrir verður að tónleikum eða sýningum og gestir geta nýtt sér barna- og fjölskyldunálgun sem útbúin hefur verið fyrir flestar sýningar í húsinu.

Hallveig ehf. í Reykholti 28. ágúst

Laugardaginn 28. ágúst kl. 17 verður fluttur einleikurinn Hallveig ehf. í gömlu Reykholtskirkju í Reykholti. Leikurinn fjallar um ævi Hallveigar Ormsdóttur sem var seinni kona Snorra Sturlusonar og bjó með honum í Reykholti þar til hún lést rétt rúmlega fertug að aldri.

Árlegur fundur og ráðstefna norrænu málnefndanna

Árlegur fundur norrænu málnefndanna og ráðstefna í framhaldi af honum fer fram í Þórshöfn í Færeyjum 26.-28. ágúst. Guðrún Kvaran stofustjóri á orðfræðisviði stofnunarinnar flytur þar erindið: Nabosprogsundervisning på Island og opfølgningen af Nordisk sprogdeklaration.

Sagan af Árna yngra ljúfling

Sagan af Árna yngra ljúfling er ein fyrsta íslenska skáldsagan í nútímaskilningi. Hún hefur ekki áður verið gefin út eftir eiginhandarriti sem höfundurinn, Jón sýslumaður Espólín (1769–1836), ritaði á síðustu æviárum sínum.