Árnastofnun hefur valið orð ársins í tíunda sinn. Valin eru tíu orð sem talin eru hafa minnt á árið með einhverjum hætti en orð ársins 2024, sem talið er hafa staðið upp úr er Hraunkæling.
Gripla, alþjóðlegt ritrýnt ISI-tímarit Árnastofnunar um handrita-, bókmennta- og þjóðfræði, er komin út með ellefu fræðiritgerðum (tveimur á íslensku og níu á ensku með ágripum á báðum málum) og útgáfum stuttra texta.
Vefritið, sem er á vegum íslenskusviðs Árnastofnunar, er nýr vettvangur til að miðla þekkingu og reifa álitamál er varða íslensku og önnur mál sem töluð eru hér á landi.
Félagar í Vinum Árnastofnunar fá sérstök afsláttarkjör, meðal annars á útgáfubókum stofnunarinnar, aðgangsmiða að handritasýningunni Heimur í orðum og safnbúð sýningarinnar.
„The Rímur Poetry of Ten Kvæðamenn: Research on Variations“ er gefin út sem rafbók þannig að einnig er hægt að hlusta á flutning kvæðamannanna á rímum. Í bókinni er sagt frá söfnun og rannsókn á rímnakveðskap tíu kvæðamanna á árunum 1964–1971.
Málfregnir, vefrit Íslenskrar málnefndar, er komið út. Meginefni ritsins eru erindi sem flutt eru á árlegum málræktarþingum nefndarinnar ásamt stökum greinum og efni til fróðleiks.
Tuttugasta og sjötta hefti tímaritsins Orðs og tungu er komið út. Tímaritið er helgað rannsóknum á íslensku máli og hefur um árabil verið mikilvægur vettvangur fyrir fjölbreytt fræðastarf á sviði málvísinda, orðfræði og nafnfræði.
