Styrkur til rannsóknardvalar við Árnastofnun í Reykjavík er laus til umsóknar.

Umsóknarfrestur er til 1. júní 2026.

Umsóknareyðublað og nánari upplýsingar.

Laugardaginn 6. júní kl. 14 mun Hjalti Snær Ægisson rannsóknarlektor veita leiðsögn um íslensku handritin sem fengin voru að láni frá Svíþjóð og verða til sýnis í Eddu næstu sex mánuði. Handritin fimm eru: Hómilíubókin sem skrifuð var um 1200, Uppsala-Edda, eitt af fjórum aðalhandritum Snorra-Eddu, eitt af aðalhandritum Grettis sögu, Bergsbók sem geymir konungasögur og er auk þess elsta handrit kvæðisins Lilju og loks handrit Snorra-Eddu frá 17. öld.  

Halldóra Jónsdóttir orðabókaritstjóri mun láta af störfum í lok júnímánaðar.

Halldóra hefur unnið hjá Árnastofnun (áður Orðabók Háskólans) frá ársbyrjun 2006 og eru því liðin rúm 20 ár frá því að hún hóf störf sem verkefnisstjóri í norræna ISLEX-verkefninu. Í tilefni starfsloka hennar verður haldið málþing þar sem samstarfsmenn og vinir flytja stutt ávörp. Í lok málþings verður boðið upp á léttar veitingar.

Dagskrá málþingsins verður birt síðar.

Dagana 15.–25. júní verður Sumarskóli í handritafræðum haldinn í Eddu. Skólinn er haldinn til skiptis í Reykjavík og Kaupmannahöfn og er Landsbókasafn Íslands – Háskólabókasafn samstarfsaðili Stofnunar Árna Magnússonar í íslenskum fræðum þau ár sem skólinn er haldinn hérlendis. Hátt í sextíu nemendur koma hingað til lands í ár og munu þeir sækja fyrirlestra og vinnustofur hjá stórum hópi sérfræðinga. Nemendum verður skipt í þrjá hópa eftir reynslu og þjálfun, þ.e. grunnnám, framhaldsnám og meistaradeild (e. masterclass). Á meðal þess sem boðið verður upp á er fræðsla um skrift, styttingar, forvörslu, bókband, skinnaverkun, tölvusetningu texta og litarefni í handritum. 

Haukur Þorgeirsson flytur fyrirlestur í tengslum við sýninguna Heimur í orðum.

Nánari upplýsingar síðar.