Application form in English
Stjórnvöld á Íslandi og í Danmörku hafa gert samning um að efna til þriggja ára áætlunar (2026–2028) til að styrkja alþjóðlegar rannsóknir á handritum í safni Árna Magnússonar, sem varðveitt eru á Stofnun Árna Magnússonar í íslenskum fræðum og í Árnasafni við Kaupmannahafnarháskóla.
Markmiðið er að efla nýliðun og því verða styrkir til fræðimanna á fyrri hluta ferilsins í forgangi, þar á meðal til doktorsnema og nýdoktora sem starfa utan Íslands og Danmerkur til að rannsaka handrit í safni Árna Magnússonar hvort sem er í Reykjavík eða í Kaupmannahöfn. Veittir eru styrkir til eins til sex mánaða rannsóknardvalar í Reykjavík eða Kaupmannahöfn. Upphæð styrksins er 600.000 kr.
Við mat á umsóknum er tekið jafnt tillit til fræðilegs bakgrunns umsækjanda og rannsóknarefnisins. Miðað er við að skoðun á einu eða fleiri handritum sé grunnþáttur í öllum þeim verkefnum sem hljóta styrk.
Sem sakir standa er aðeins hægt að sækja um dvöl hjá Árnastofnun í Reykjavík.
Umsóknarfrestur er til 1. júní 2026.
