Íslensk-skandinavíska veforðabókin ISLEX var formlega opnuð í Svíþjóð þann 23. nóvember sl. Vigdís Finnbogadóttir fyrrum forseti, Pam Fredman rektor Gautaborgarháskóla og Svavar Gestsson fyrrum sendiherra Svíþjóðar voru á meðal þeirra sem tóku til máls.

ISLEX-verkefnið fékk styrk úr Samfélagssjóði Landsbankans 25. nóvember sl. að upphæð 500 þúsund krónum. Styrkurinn verður notaður til að taka upp framburð á

uppflettiorðunum í veforðabókinni.

• ISLEX orðabókin sem var opnuð á dögunum.

Jón Friðrik Daðason, sumarstarfsmaður á orðfræðisviði stofnunarinnar, hlaut einnig styrk við sama tækifæri til að búa til stafsetningarforrit, ,,samhengisháð leiðréttingarforrit fyrir íslenskt mál".

Nýtt tveggja ára meistaranám í miðaldafræðum hefst haustið 2012. Námið er alþjóðlegt og nefnist Viking and Medieval Norse Studies.  Árnastofnun er aðili að náminu ásamt Háskóla Íslands, Árósaháskóla, Kaupmannahafnarháskóla og Óslóarháskóla.

Útbúið hefur verið kynningarmyndband um námsbrautina:

• www.youtube.com/user/OldNorseStudies

Vefur brautarinnar er:

Íslensk-skandinavíska veforðabókin ISLEX var formlega opnuð í gær, á degi íslenskrar tungu. Athöfnin fór fram í Norræna húsinu að viðstöddu margmenni.

Veforðabókin tengir íslenskan orðaforða og málnotkun á nútímalegan hátt við önnur norræn mál og styrkir norrænan málskilning að margvíslegu leyti. Aðgangur að orðabókinni er ókeypis á vefnum.

Verðlaun Jónasar Hallgrímssonar á degi íslenskrar tungu 2011 voru afhent á hátíðardagskrá í Gerðubergi. Auk þess var veitt sérstök viðurkenning fyrir störf í þágu íslenskrar tungu. Katrín Jakobsdóttir mennta- og menningarmálaráðherra veitti Kristínu Marju Baldursdóttur Verðlaun Jónasar Hallgrímssonar 2011. 

Í rökstuðningi ráðgjafarnefndar segir:

,,Veruleiki íslenskra kvenna er yrkisefni Kristínar Marju og varpar hún í verkum sínum ljósi á líf og störf kvenna, hlutverk, drauma og þrár.

Anna Þorbjörg Ingólfsdóttir, lektor á Menntavísindasviði HÍ, flutti erindi (Íslenska – til hvers?) á málræktarþingi Íslenskrar málnefndar og MS 12. nóvember 2011 sem vakti mikla athygli. Anna Þorbjörg gagnrýndi þar m.a. niðurskurð á íslenskukennslu í kjarna náms kennaranema á Menntavísindasviði HÍ.

Hér má sjá glærur Önnu Þorbjargar frá málræktarþinginu (PDF-skjal, 918 kb)

Líkt og undanfarin ár ályktar Íslensk málnefnd um stöðu íslenskrar tungu og að þessu sinni snýr ályktunin að minnkandi bóklestri og dvínandi lesskilningi íslenskra barna og unglinga, hver staðan sé í dag og til hvaða aðgerða þurfi að grípa til þess að snúa vörn í sókn.

Málræktarþing Íslenskrar málnefndar og Mjólkursamsölunnar var haldið á laugardaginn.. Þar var kynnt ályktun Íslenskrar málnefndar um stöðu íslenskrar tungu 2011 og haldin erindi um málörvun og læsi.  Þar veitti Íslensk málnefnd einnig þrjár viðurkenningar fyrir störf í þágu íslenskrar tungu.

Orðanefnd rafmagnsverkfræðingadeildar Verkfræðingafélags Íslands er veitt viðurkenning fyrir íðorðastarf í sjötíu ár.

Reykjavíkurborg er veitt viðurkenning fyrir að hafa notendaviðmót á íslensku í öllum tölvum í grunnskólum Reykjavíkur.

Minnkandi áhugi íslenskra barna á lestri og dvínandi lesskilningur þeirra verður til umræðu á árlegu Málræktarþingi Íslenskrar málnefndar og Mjólkursamsölunnar laugardaginn 12. október. Yfirskrift málþingsins er „Æska í ólestri – mál okkar allra“ en það er haldið í tilefni af degi íslenskrar tungu sem fagnað er árlega á fæðingardegi Jónasar Hallgrímssonar, 16. nóvember.

Nýsköpunarverðlaun 2011 hafa verið veitt. Verkefnið Skipulag rýminga vegna jökulhlaupa sem fylgja eldgosum í Kötlu og Eyjafjallajökli - Samstarf íbúa og almannavarnayfirvalda var verðlaunað að þessu sinni.

Þrjú önnur verkefni fengu sérstaka viðurkenningu. Eitt þeirra er veftól sem Landmælingar Íslands hafa þróað í samstarfi við nafnfræðisvið Stofnunar Árna Magnússonar í íslenskum fræðum.

Í umsögn dómnefndar um verkefnið segir:

Samstarfsnefnd um kennslu í Norðurlandafræðum erlendis, sem starfar á vegum Norrænu ráðherranefndarinnar, gengst fyrir ráðstefnu við háskólann í Vilníus í Litháen fyrir kennara í Norðurlandafræðum í Austur- og Suðaustur-Evrópu dagana 10. – 12. nóvember nk. Þátttakendur verða um 100 og koma víða að. Á ráðstefnunni verða flutt erindi um norrænt samstarf, tungumálastefnu og stefnu í umhverfismálum, kennslu tungumála á Netinu og norræna bókmenntasögu.