Sif Ríkharðsdóttir, prófessor við Háskóla Íslands, flytur fyrirlestur í tengslum við sýninguna Heimur í orðum.

Í erindi þessu verður fjallað um handritin sem tilfinningalegan menningararf. Þannig má líta á handritin sem sögulegar minjar sem hafa tilfinningalegt gildi fyrir okkur í dag en þau eru á sama tíma einnig menningararfleifð sem hefur að geyma minningar um hugarheim forfeðra okkar, þar með talið hugmyndir þeirra um tilfinningar.

Handritin og þeir textar sem þau hafa að geyma leggja þannig grunninn að frekari umfjöllun um tilfinningar á miðöldum og hvernig miðaldamenn gætu hafa skilið þær og hversu mikið af okkar eigin tilfinningalífi við getum yfirfært á fornaldir og aðra menningarheima. Kenningar miðaldamanna um líkamann og hlutverk hans höfðu áhrif á hvernig grunneiginleikar mannlegs eðlis voru túlkaðir, þar með taldar hugmyndir um hugann, efnisleika líkamans og ekki síst tilfinningar sem líkamlegt, menningarlegt og andlegt fyrirbæri.

Í þessu erindi munum við velta vöngum yfir því hvernig handritin sem menningararfur geta leitt saman hugmyndir nútímamannsins um tilfinningar og tilfinningaheim forfeðra okkar.

Sumardaginn fyrsta, 23. apríl næstkomandi, verða 124 ár liðin frá fæðingu Nóbelsskáldsins Halldórs Kiljan Laxness. Í tilefni af því skipuleggur íslenskusvið Árnastofnunar mál(fræði)þíng um verk Halldórs í fyrirlestrasal Eddu, Arngrímsgötu 5.

Málþíngið er opið öllum almenníngi. Eingin skráníng. 

Dagskrá 

13–13.10 Setníng mál(fræði)þíngs 

13.10–13.30 Ellert Þór Jóhannsson 

Um útbreiðslu nokkurra „Laxness-orða“ í íslensku máli 

13.30–13.50 Ágústa Þorbergsdóttir  

Áhrif skáldverka Halldórs Laxness á íslenska nafnahefð  

13.50–14.10 Katrín Axelsdóttir 

Það sem ég tala um þegar ég tala um Halldór 

14.10–14.30 Jóhannes Gísli Jónsson 

Nokkrir þankar um Sjömeistarasöguna 

14.30–15 Kaffihlé 

15–15.20 Steinþór Steingrímsson 

Titill væntanlegur 

15.20–15.40 Kristján Árnason 

Konráð og Kiljan. Hugleiðing út frá Hrafnkötlumáli 

15.40–16 Heimir Freyr Viðarsson 

Ruddi Halldór Laxness brautina fyrir útfærslu miðmyndar við niðurfellingu setunnar (z) 1974? 

16–16.10 Stutt hlé 

16.10–16.20 Branislav Bédi 

Laxnesska erlendis 

16.20–16.40 Rebekka Þráinsdóttir 

Titill væntanlegur 

16.40–17 Helga Hilmisdóttir 

Skálduð samtöl Halldórs Laxness sem heimild um eldra mál 

17 Mál(fræði)þíngi slitið.  

Viðburður á Facebook

Ársfundur Árnastofnunar verður haldinn 29. apríl í fyrirlestrasal Eddu kl. 8.15–10.

Fundurinn hefst með morgunhressingu kl. 8.15 á kaffihúsinu Ými á 1. hæð Eddu.

Dagskrá í fyrirlestrasal hefst kl. 8.30. Yfirskrift fundarins að þessu sinni er Samstarf.           

Dagskrárliðir verða auglýstir síðar.

Skráning hér.

Reglulega er skipt um handrit á sýningunni Heimur í orðum. Fimm íslensk handrit úr sænskum söfnum verða til sýnis á tímabilinu 12. maí til 8. nóvember.

Tvö koma úr Háskólabókasafninu í Uppsölum: Uppsala-Edda, sem er eitt af fjórum aðalhandritum Snorra-Eddu, og Grettis sögu handrit frá 15. öld. Hin þrjú koma úr Konunglega bókasafninu í Stokkhólmi: Íslenska hómilíubókin, sem er eitt elsta handrit sem varðveist hefur frá Íslandi; Bergsbók, glæsilegt handrit sem geymir sögur konunganna Ólafs Tryggvasonar og Ólafs helga auk kveðskapar; Codex Sparfvenfeldianus, sem er merkilegt edduhandrit frá 17. öld.

Í tilefni af handritaskiptunum verður vegleg dagskrá í Eddu. Nánar auglýst síðar.

Fyrirlestur Nancy Marie Brown á vegum Vinafélags Árnastofnunar.

Nánari upplýsingar síðar.

Haukur Þorgeirsson flytur fyrirlestur í tengslum við sýninguna Heimur í orðum.

Nánari upplýsingar síðar.