Miðaldastofa: Strengleikar 6. nóvember

Næstkomandi fimmtudag (6. nóvember) verður önnur málstofa vetrarins á vegum miðaldastofu. Álfdís Þorleifsdóttir, meistaranemi í íslenskum bókmenntum, ræðir um strengleika.

Ráðstefna um tal- og málmein 8. nóvember

Félag talkennara og talmeinafræðinga, Íslenska málfræðifélagið, Málvísindastofnun Háskóla Íslands og Heyrnar- og talmeinastöð Íslands gangast fyrir ráðstefnu um tal- og málmein laugardaginn 8. nóvember næstkomandi.

Gripla á heimasíðuna

Ársskýrsla stofnunarinnar komin út

Ársskýrsla stofnunarinnar er komin út. Skýrslan nær yfir tímabilið 1. september 2006, þegar fimm stofnanir voru sameinaðar í Stofnun Árna Magnússonar í íslenskum fræðum, til 31. desember 2007.  

Umsóknarfrestur til handritarannsókna í Kaupmannahöfn er til hádegis 20. nóvember

Umsókn um ríkisstyrk Árnastofnunar í Kaupmannahöfn fyrir árið 2009 rennur út 20. nóvember n.k. kl. 12. Styrkurinn er veittur íslenskum ríkisborgurum til handritarannsókna í Den Arnamagnæanske Samling í Kaupmannahöfn.

Merk heimild fyrir ættfræðirannsóknir - Ættartölusafnrit séra Þórðar Jónssonar í Hítardal

Ættartölusafnrit séra Þórðar Jónssonar í Hítardal er nú komið út á vegum Stofnunar Árna Magnússonar í íslenskum fræðum í tveimur bindum. Hér er um að ræða stórmerka frumheimild fyrir íslenskar ættfræðirannsóknir. Ættartölusafnritið er samtíðarheimild um ættir, afkomendur og búsetu fjölda Íslendinga á fyrri hluta 17. aldar.

Dagur íslenskrar tungu

Frá árinu 1996 hefur 16. nóvember, sem er fæðingardagur Jónasar Hallgrímssonar, verið haldinn hátíðlegur og nefndur dagur íslenskrar tungu. Menntamálaráðuneyti hefur falið Stofnun Árna Magnússonar í íslenskum fræðum að annast ýmsa verkþætti í tengslum við viðburði á degi íslenskrar tungu 2008.

Íslenska til alls og verðlaun Jónasar Hallgrímssonar á degi íslenskrar tungu

Málræktarþing Íslenskrar málnefndar og Mjólkursamsölunnar: Íslenska til alls – Tillögur að íslenskri málstefnu fór fram á degi íslenskrar tungu 16. nóvember. Hátíðin var skemmtileg, fróðleg og hátíðleg.

Málstofa um norræna málstefnu, 6. desember

Málstofan „Internordisk kommunikation og nordisk sprogpolitik“ verður haldin á Radisson SAS Hótel Sögu, laugardaginn 6. desember og hefst klukkan tvö. Málstofan er hluti af ráðstefnunni „Cultures in Translation“ á vegum Stofnunar Vigdísar Finnbogadóttur og fer fram á dönsku, norsku og sænsku. Aðgangur er ókeypis.

Fræðslufundur Nafnfræðifélagsins: Örnefni á Eyrarbakka

Nafnfræðifélagið heldur fræðslufund laugardaginn 29. nóvember nk. kl. 13.15 í stofu 101 á Háskólatorgi (HT 101). (Ath. nýjan fundarstað.) Inga Lára Baldvinsdóttir og Magnús Karel Hannesson halda fyrirlestur sem þau nefna Örnefni á Eyrarbakka.