Laust er til umsóknar starf dósents í miðaldafræði við íslensku- og menningardeild á Hugvísindasviði Háskóla Íslands.

Dósentinn verður forstöðumaður Miðaldastofu, sem er þverfræðilegur vettvangur Hugvísindasviðs fyrir rannsóknir í miðaldafræðum, og jafnframt helsti tengiliður sviðsins við Stofnun Árna Magnússonar í íslenskum fræðum. Starfið kallar því á ríka samskipta- og skipulagshæfni, ásamt lipurð í mannlegum samskiptum, en stjórnunarhlutfall verður nokkru hærra en tíðkast í föstum kennarastörfum við sviðið.

Gripla XX er nú aðgengileg á vef. Greinar í heftinu eru byggðar á fyrirlestrum sem fluttir voru á ráðstefnunni „Nordic Civilisation in the Medieval World" sem haldin var í Skálholti 5.–9. september 2007. Fyrirlesarar voru tuttugu og fimm talsins frá átta löndum, mannfræðingar, fornleifafræðingar, bókmenntafræðingar, heimspekingar og rúnafræðingar. Ritstjóri þessa heftis Griplu er Vésteinn Ólason.

Hugvísindaþing 2012
Háskóla Íslands, aðalbyggingu
Hefst 9. mars kl. 13 og lýkur 10. mars kl. 16.30

Hugvísindaþing er árviss ráðstefna Hugvísindasviðs Háskóla Íslands þar sem fram er borið það helsta í fræðunum í stuttum fyrirlestrum og málstofum ætluðum fræðasamfélaginu jafnt sem almenningi.

• Hugvísindaþing 2012

Mörg áhugaverð erindi verða flutt á þinginu, við vekjum athygli á nokkrum málstofum:

Strengleikar Miðaldastofu Hugvísindastofnunar í Árnagarði stofu 422, 8. mars kl. 16.30. Ármann Jakobsson flytur erindi um Sigurð blinda:

The Hunt for a Blind Poet from a Dark Age. Some considerations on the foundations of our knowledge of early 16th century poetry

• Nánari upplýsingar á ensku.

Laugardaginn 25. febrúar nk. heldur Nafnfræðifélagið fræðslufund í Odda, húsi Háskóla Íslands, stofu 106, kl. 13.15. Sigurður R. Helgason, framkvæmdastjóri, flytur erindi sem hann nefnir

ISLEX

Miðvikudaginn 22. febrúar munu Halldóra Jónsdóttir verkefnisstjóri og Þórdís Úlfarsdóttir ritstjóri kynna netorðabókina ISLEX í hádegisfyrirlestri sem haldinn er í tilefni af 90 ára afmæli Norræna félagsins á Íslandi. Fyrirlesturinn er annar í röð fyrirlestra sem Norræna félagið og Þjóðminjasafn Íslands munu standa fyrir á afmælisárinu um norrænt samstarf á breiðum grundvelli.

Fyrirlesturinn hefst í fyrirlestrasal Þjóðminjasafns Íslands kl. 12:05.

Aðgangur er ókeypis og allir velkomnir.

Skemmtileg stemmning var á handritasýningu Árnastofnunar á safnanótt um liðna helgi. Þema safnanætur 2012 var magnað myrkur. Svanhildur Gunnarsdóttir safnkennari bauð gestum inn á skrifarastofu frá miðöldum með kálfskinnsbókfelli, fjaðurpennum og sortubleki.

Strengleikar Miðaldastofu Hugvísindastofnunar í Árnagarði stofu 422, fimmtudagurinn 16. febrúar kl. 16.30. Stefan Drechsler flytur erindið: Flateyjarbók and Europe? An investigation of art-historical connections to contemporary art from Iceland, Norway, Denmark and Great Britain's East-Anglia.

• Nánari upplýsingar á ensku.

Dr. Margaret Cormack færði stofnuninni dýrmætar gjafir 26. janúar og 7. febrúar, tvö fágæt vögguprent, þ.e. bækur prentaðar fyrir árið 1500, og eitt handrit frá miðri 15. öld segir í fréttablaði stofnunarinnar sem var sent út rafrænt í gær.

Fréttabréfið má lesa á vefnum: Fréttabréf 2/2012.

Dýrmætar gjafir