Laus er til umsóknar tímabundin kennarastaða í íslensku í Vínarborg. Staðan verður veitt frá 1. september 2009. Umsækjendur skulu hafa lokið M.A. prófi í norrænum fræðum. Æskilegt er að þeir hafi kennslureynslu, íslensku að móðurmáli og góða þýskukunnáttu.
NánarEysteinn Þorvaldsson, íslenskufræðingur og fyrrverandi prófessor við Kennaraháskóla Íslands flytur erindi sem nefnist: Leitin að Völuspá þriðjudaginn 24. mars kl. 20.30. Fyrirlesturinn fer fram í bókhlöðusal Snorrastofu í Reykholti og er styrktur af Menningarráði Vesturlands. Aðgangseyrir er 500 kr. og er boðið upp á veitingar.
NánarLeszek Slupesci, prófessor í miðaldasögu í Rzeszow í Póllandi, nýtur Snorrastyrks Stofnunar Árna Magnússonar í íslenskum fræðum á haustmisseri 2009. Leszek hlaut styrkinn til að þýða Snorra-Eddu á pólsku, skrifa inngang að þýðingunni og skýringar við hana.
NánarFöstudaginn 27. mars kl. 14:00 verður haldið málþing á Gljúfrasteini um Halldór Laxness og íslenskar fornbókmenntir. Málhefjandi er Jóhann Páll Árnason. Til andsvara verða meðal annars Guðrún Nordal, Halldór Guðmundsson, Jón Karl Helgason, Vésteinn Ólason og Vilhjálmur Árnason. Einnig verða almennar umræður.
NánarMímisþing, málþing íslenskunema, verður haldið í samstarfi við ReykjavíkurAkademíuna laugardaginn 28. mars 2009 í fundarsal hennar á 4. hæð í JL-húsinu við Hringbraut.
NánarHáskólinn í Árósum stendur fyrir sumarnámskeiði í fornbókmenntum: ,,Paganism and Christianity in Old Norse Textual Culture" dagana 1.-15. júlí 2009. Umsóknarfrestur rennur út 1. apríl. Nánari upplýsingar má fá á heimasíðu skólans
NánarNý nöfn á um fjörutíu býlum bárust örnefnanefnd á síðasta ári. Sum þeirra eru ný af nálinni, eins og Bringubakki, Fagrahorn, Hófgerði, Hrafnsholt og Kögunarhóll en önnur eru þekkt víða um sveitir, t.d. Hlíðarendi og Laufás.
NánarICOM/CECA (Alþjóðaráð safna og nefndar um fræðslu og menningarviðburði) heldur árlega ráðstefnu sína í Reykjavík frá mánudeginum 5. október til og með laugardagsins 10. október 2009.
Nánar