Dálkahöfundur Washington Post, John Kelly, fagnar nú tíu ára afmæli íkornavikunnar og skrifaði á annan í páskum um íkornann Ratatosk.

Vegna breytinga á kerfi upplýsingatæknisviðs Háskóla Íslands verða flest tölvukerfi Árnastofnunar óaðgengileg meðan á þeirri vinnu stendur. Þar með talið allir gagnagrunnar, málið.is, BÍN, Íðorðabankinn, Islex, Íslensk nútímamálsorðabók og fleiri vefir.

Á næsta ári verða 50 ár liðin frá heimkomu fyrstu handritanna 21. apríl 1971. Af því tilefni hefur Stofnun Árna Magnússonar í íslenskum fræðum hafið undirbúning að verkefni sem miðar að því að kynna öllum sjöttubekkingum landsins sögu íslenskra miðaldahandrita og menningararfleifðina sem í þeim býr. Verkefnið er margþætt, meðal annars er unnið að gerð kennsluefnis um handritaarfinn fyrir skólana sem kennarar geta síðan notað að vild.

Íslensk nútímamálsorðabók er ný orðabók sem birtist nú í endurhannaðri vefsíðu. 

Guðrún Nordal, forstöðumaður Stofnunar Árna Magnússonar í íslenskum fræðum og prófessor við Háskóla Íslands, hefur nú verið kjörin í Norsku vísindaakademíuna. Hún er meðal 6 erlendra fræðimanna sem valdir voru í ár.

Norðurlöndin hafa sameiginlega tilnefnt smíði norræna súðbyrðingsins á heimsminjaskrá Unesco. Verði tilnefningin samþykkt er það staðfesting alþjóðasamfélagsins á að þennan menningararf beri að varðveita fyrir ókomnar kynslóðir. 

Sjá frétt á vefnum Lifandi hefðir.

Ásdís Thoroddsen kvikmyndagerðarkona gerði heimildarmynd fyrir nokkrum árum um gerð súðbyrðingsins.

Hér má sjá stiklu úr myndinni.

Framkvæmdasýsla ríkisins hefur gert þáttaraðir sem fjalla um byggingarframkvæmdir á Húsi íslenskunnar.

Hér má sjá annan þátt  sem fjallar um hönnunarferlið.

Staða íslenskukennara við háskólann í Caen er laus til umsóknar. Ráðið verður í stöðuna frá og með 1. september 2020. Ráðning er tímabundin til þriggja ára með möguleika á endurráðningu til jafnlangs tíma. Krafist er MA-prófs í íslensku eða tengdum greinum. Æskilegt er að umsækjendur hafi lokið kennararéttindanámi og/eða hafi reynslu af því að kenna íslensku sem annað eða erlent mál. Kunnátta í frönsku er nauðsynleg.

Vegorðasafnið er áhugavert og vandað orðasafn sem nú er komið inn í Íðorðabankann. Þeir sem vilja vita meira um orð á borð við biksmitun, fælnihvörf, græntíma og vegriðsbeinir geta einfaldlega flett þeim upp í Vegorðasafninu í Íðorðabankanum [hlekkur: https://idord.arnastofnun.is/leit//ordabok/VEGORD] og fundið skilgreiningar á þeim, ásamt enskum og norskum hugtökum sömu merkingar.

Menningarsjóðurinn Svenska folkskolans vänner hefur gert samning við Háskólann í Helsinki um gerð sænskunámskeiða sem sérstaklega eru ætluð fyrir starfsmenn bókasafna í Finnlandi. Er þetta í fyrsta sinn sem námskeið gert að fyrirmynd Icelandic Online er lagað að þörfum ákveðinna starfsgreina. Á námskeiðinu verða finnskumælandi starfsmenn þjálfaðir í að tala sænsku við sænskumælandi gesti bókasafnanna.

Tímaritið Orð og tunga hefur nú verið skráð í gagnagrunn DOAJ (Directory of Open Access Journals). Um 14.000 tímarit í opnum aðgangi eru nú skráð í gagnagrunninn sem stofnaður var í þeim tilgangi að tryggja aðgengi háskólafólks að vönduðum, ritrýndum fræðigreinum. Til að komast í gagnagrunn DOAJ þurfa útgefendur og ritstjórar að sýna fram á að tímaritið standist allar þær kröfur sem gerðar eru til fræðilegra tímarita, t.d. er varðar gagnsæi og frágang lýsigagna. Frekari upplýsingar um gagnagrunninn má finna á vefsíðu DOAJ.org.