Skip to main content

Fréttir

Orðabók Blöndals − Sýning í Þjóðarbókhlöðu

Frá vinstri, aftari röð: Pétur Sigurðsson, Steinþór Guðmundsson, Björn Karel Þórólfsson, Anna Bjarnadóttir, sr. Árni Sigurðsson, Þórbergur Þórðarson. Fremri röð: Holger Wiehe, Sigfús Blöndal og Jón Ófeigsson.

Íslensk-dönsk orðabók eftir Sigfús Blöndal kom út á árunum 1920−1924 og er þess nú minnst með sýningu í Þjóðarbókhlöðu að öld er liðin frá því að hún kom fyrst út.

Hér má sjá sýningarskrá.

Orðabókin er lykilverk í íslenskri orðabókasögu og er hún ein stærsta íslenska orðabókin sem hefur verið unnin til þessa. Sigfús vann að orðabókinni í fjölda ára ásamt eiginkonu sinni, Björgu Þorláksdóttur Blöndal. Fjöldi samverkamanna kom við sögu við gerð orðabókarinnar. Styrkir til starfsins og útgáfunnar komu frá dönskum sjóðum, svo og dönskum og íslenskum stjórnvöldum. Árið 2016 var tekin ákvörðun um að gera Íslensk-danska orðabók aðgengilega á vefnum.

Á myndinni má sjá starfsmenn veforðabókarinnar. Frá vinstri Halldóra Jónsdóttir, Þórdís Úlfarsdóttir, Ása Bergný Tómasdóttir, Bolli Magnússon, Oddur Snorrason og Árni Davíð Magnússon.