Opið er fyrir umsóknir í sumarskóla í handritafræðum sem haldinn verður 15.–25. júní 2026 í Reykjavík. Umsóknarfrestur er til og með 15. janúar.

Í sumarskóla í handritafræðum fer fram þjálfun í textafræði, handritafræði og ritstjórn, svo fátt eitt sé nefnt en kennsla fer fram á ensku. Sumarskólinn er samstarfsverkefni Árnastofnunar, Háskóla Íslands, Kaupmannahafnarháskóla og Landsbókasafns Íslands – Háskólabókasafns.

Frekari upplýsingar má finna á ensku á síðu sumarskólans.

Í tilefni af útkomu bókarinnar Agnesarkver sem væntanleg er hjá Stofnun Árna Magnússonar í íslenskum fræðum á þessu ári verður haldið málþing miðvikudaginn 21. janúar nk. í fyrirlestrasal Eddu.

Þar munu fimm fræðimenn fjalla um heilaga Agnesi frá ýmsum sjónarhornum.

Nánar um bókina

AGNESARKVER er útgáfa á kvæðum ortum á Íslandi eftir siðbreytingu sem rekja sögu heilagrar Agnesar. Þetta eru Vísur af heilagri jómfrú Agnesi; Rímur af Agnesi píslarvott eftir sr. Eirík Hallsson (1614–1698); Agnesarvísa og Agnesarkvæði eftir Þorvald Magnússon (1670–1741).

Rúmlega 120 handrit koma við sögu í þessari útgáfu en auk þess eru varðveittar rúmlega 20 upptökur á vefnum ismus.is þar sem Agnesarkvæði er sungið, flutt eða rætt. Útgefandi Agnesarkvers er Natalie van Deusen, prófessor í Edmonton í Kanada. Hún skrifar ítarlegan inngang um heilaga Agnesi og auk þess fylgir öllum textunum stuttur inngangur eftir hana.

Fyrirlestrar á málþingi

• Natalie van Deusen: Agnesarkver: Saint Agnes of Rome in Post-Medieval Icelandic Verse
• Margaret Cormack: St. Agnes in Iceland
• Hildur Hákonardóttir: Sögur af lambi
• Torfi Tulinius: Hárprýði og virðing kvenna í Ragnars sögu loðbrókar
• Katelin Parsons: Raulað um raunir í Rómarborg: Agnesarkvæði í munnlegri geymd

Fundarstjóri: Margrét Eggertsdóttir.

Viðburður á Facebook.

Beeke Stegmann, rannsóknardósent á Árnastofnun, flytur fyrirlestur í tengslum við sýninguna Heimur í orðum.

Nánari upplýsingar síðar.

Margrét Eggertsdóttir, rannsóknarprófessor á Árnastofnun, flytur fyrirlestur í tengslum við sýninguna Heimur í orðum.

Nánari upplýsingar síðar.

Stofnun Árna Magnússonar í íslenskum fræðum og Hugvísindasvið Háskóla Íslands standa fyrir alþjóðlegum sumarskóla í íslenskri tungu og menningu í júlímánuði ár hvert. Námskeiðið er einkum ætlað stúdentum í tungumála- og bókmenntanámi en aðrir sem áhuga hafa á íslensku nútímamáli og menningu eiga þess kost að sækja námskeiðið.

Umsóknarfrestur er til og með 15. febrúar.

Nánar um sumarnámskeiðið á íslensku og ensku.

Lísabet Guðmundsdóttir fornleifafræðingur flytur fyrirlestur í tengslum við sýninguna Heimur í orðum.

Nánari upplýsingar síðar.

Gísli Sigurðsson, rannsóknarprófessor á Árnastofnun, flytur fyrirlestur í tengslum við sýninguna Heimur í orðum.

Nánari upplýsingar síðar.