Helgi Hrafn Gunnarsson alþingismaður og varaformaður þingflokks Pírata heimsótti Stofnun Árna Magnússonar í íslenskum fræðum í fyrstu viku sumars. 

Steinþór Steingrímsson verkefnisstjóri tók á móti þingmanninum og fóru þeir um húsnæðið á Laugaveginum, hvar spjallað var við nokkra starfsmenn; Bjarka Karlsson, Halldóru Jónsdóttur, Sigrúnu Helgadóttur og Kristínu Bjarnadóttur.

Segja má að hápunktinum hafi verið náð þegar turninn var skoðaður. Einnig var farið á dýpið þegar seðlasafnið var heimsótt.

Í dag, 15. apríl, kl. 11 var margt um manninn í herberginu sem nefnist Málstofa í Stofnun Árna Magnússonar í íslenskum fræðum. 

Orð um orð.

Af umræðu sem birst hefur á vef- og prentmiðlum undanfarna daga má skilja að öll gögn sem Stofnun Árna Magnússonar í íslenskum fræðum (SÁM) býr yfir séu lokuð almenningi. Þetta er ekki rétt. Yfirlýst stefna SÁM er að aðgangur að gögnum stofnunarinnar sé almennt opin. Undanfarin ár hefur aðgengi að ýmsum gögnum stofnunarinnar verið bætt og gagnapökkum frá stofnuninni dreift, m.a. á Málföng.is, með eins opnum notkunarleyfum og kostur er.