Hjá Stofnun Árna Magnússonar í íslenskum fræðum er ekki lengur hægt að bjóða upp á handritasýningu vegna húsnæðisskorts en allt frá heimkomu fyrstu handritanna árið 1971 voru handritasýningar snar þáttur í starfsemi stofnunarinnar. Um þessar mundir eru tvö handrit úr safni Árna Magnússonar eingöngu til sýnis í Þjóðminjasafnsins Íslands.

Þjóð verður til

Á grunnsýningu Þjóðminjasafnsins, Þjóð verður til, eru til sýnis tvö handrit og eitt handritsbrot frá Árnastofnun: eitt blað úr þjóðveldislögunum Grágás; skinnblað frá 1240–1260, Jónsbókarhandrit; skinnbók frá 1450 og afrit Íslendingabókar Ara fróða Þorgilssonar; pappírshandrit frá seinni hluta 17. aldar. Upplýsingar um móttöku hópa og leiðsögn um sýninguna er að finna á vef Þjóðminjasafns Íslands en sú þjónusta er í höndum starfsmanna Þjóðminjasafnsins.