Út er komin Katrínar saga.

Þegar Árna Magnússonar fyrirlestur var haldinn í fimmta sinn var Marjorie Curry Woods prófessor við Háskólann í Austin í Texas fengin til að segja frá áhuga sínum á ljótum handritum.

Hún flutti fyrirlestur sinn Emotions Between the Lines fyrir fullum sal í Norræna húsinu mánudaginn 13. nóvember 2017. Að fyrirlestri loknum gafst rými fyrir spurningar úr sal og að síðustu var öllum boðið að þiggja veitingar.

Íslensk málnefnd stóð fyrir málræktarþingi þriðjudaginn 15. nóvember 2017. Yfirskrift þingsins var Ritun í skólakerfinu. Kynnt var ályktun Íslenskar málnefndar um stöðu tungunnar en í ár var sjónum sérstaklega beint að sambandi ungmenna við tunguna. Haldin voru fimm erindi þar sem velt var upp spurningum um stöðu málsins í ræðu og riti með áherslu á ritfærni nemenda á ýmsum stigum skólakerfisins.

Íslensk-danskur orðabókarsjóður og Stofnun Árna Magnússonar hafa undirritað samning um að Íslensk-danskri orðabók (Orðabók Sigfúsar Blöndals) verði komið fyrir á vefnum. Vinna hefur staðið yfir undanfarna mánuði við að koma þessu mikla verki í tölvutækt form, og verður það gert leitarbært á sérstakri heimasíðu. Verkið verður fjármagnað af orðabókarsjóðnum og verða ráðnir stúdentar til starfsins.

Hefð er fyrir því að á degi íslenskrar tungu veiti mennta- og menningarmálaráðherra Verðlaun Jónasar Hallgrímssonar. Í ár var Vigdís Grímsdóttir þess heiðurs aðnjótandi en hún hefur í áratugi skrifað bækur af nánast öllu tagi.

Ráðgjafanefnd mælti einnig með því að sérstök viðurkenning í tilefni dagsins yrði veitt Gunnari Helgasyni sem hefur skrifað margar af vinsælustu barnabókum síðustu ára.

Í ráðgjafanefndinni áttu sæti í ár þau Baldur Hafstað, sem veitti nefndinni forstöðu, Guðrún Ingólfsdóttir og Dagur Hjartarson.

Máltæknisjóður veitti 16,9 milljónum í verkefnið Enduruppbygging Beygingarlýsingar íslensks nútímamáls. Í verkefninu verður smíðaður nýr gagnagrunnur utan um beygingarlýsinguna sem býður upp á nákvæmari greiningu gagnanna. Bætt greining gefur kost á fjölbreyttari nýtingu gagnanna, t.d. við gerð kennsluefnis eða önnur leiðbeinandi not. Þá verður beygingagrunnur til nota í máltækni skilinn frá beygingarlýsingunni og gefinn út sérstaklega og undir öðru nafni. Verkefnisstjóri er Kristín Bjarnadóttir.

Ritun í skólakerfinu – málræktarþing Íslenskrar málnefndar og MS

Íslensk málnefnd og MS boða til málræktarþings í Þjóðminjasafninu miðvikudaginn 15. nóvember kl. 15.30 undir yfirskriftinni Ritun í skólakerfinu, þar sem velt verður upp spurningum um stöðu málsins í ræðu og riti með áherslu á ritfærni nemenda á ýmsum stigum skólakerfisins.

Verið öll velkomin

15.30 Setning

15.35 Kynning á ályktun Íslenskrar málnefndar um stöðu íslenskrar tungu 2017

Í ár mun Marjorie Curry Woods flytja fyrirlestur Árna Magnússonar í Norræna húsinu, 13. nóvember kl. 17.

Marjorie Curry Woods er prófessor í ensku og almennri bókmenntafræði — Blumberg Professor of English, Professor of Comparative Literature, and University Distinguished Teaching Professor — við Texas-háskóla í Austin og hefur kennt þar frá árinu 2011.

Stjórn Vina Árnastofnunar heldur aðalfund félagsins mánudaginn 13. nóvember 2017 kl. 15.30-16.30 í Norræna húsinu.

Á dagskrá eru venjuleg aðalfundarstörf: 

Kosning fundarstjóra og fundarritara
Skýrsla stjórnar lögð fram
Reikningar lagðir fram til samþykktar
Lagabreytingar
Ákvörðun félagsgjalds
Kosning stjórnar
Önnur mál

Hægt er að gerast félagi á vefsíðu félagsins.

­Nafnfræðifélagið heldur seinni fræðslufund misserisins laugardaginn 11. nóv. nk. í stofu 202 í Odda, húsi Háskóla Íslands, og hefst kl. 13.15.

Ólafur Örn Haraldsson, forseti Ferðafélags Íslands, flytur erindi sem ber yfirskriftina:

Nafngiftir í Friðlandinu að Fjallabaki.