Nafnfræðifélagið heldur Nafnaþing laugardaginn 14. október nk. Félagið var stofnað árið 2000 og hefur þann tilgang að efla þekkingu á nafnfræði og stuðla að rannsóknum á nöfnum af ýmsu tagi. 

Að þessu sinni er yfirskrift þingsins Nöfn og skáldskapur. Það er vel þekkt að höfundar nýti sér nöfn til að ljá persónum, stöðum og ýmsum fyrirbærum í verkum sínum tiltekinn blæ eða innihald. En hvað eru þeir að hugsa þegar þeir velja nöfn – og hvaða aðferðum er beitt? Hvaða hlutverki gegna nöfn í skáldskap?

Þingið er haldið í samstarfi við Stofnun Árna Magnússonar í íslenskum fræðum og fer fram í fyrirlestrasal Eddu, Arngrímsgötu 5, 107 Reykjavík. Það hefst kl. 13 og lýkur um kl. 16 og er öllum opið.

Dagskrá

13.00 Emily Lethbridge: Nokkur orð um nafnfræðilega nálgun á bókmenntir

13.15 Svavar Sigmundsson: Skálduð örnefni og óskálduð

13.45 Benný Sif Ísleifsdóttir: Skálduð nöfn og skáldsagnapersónur

14.15  Kaffihlé

14.35 Pétur Húni Björnsson kveður rímur

14.45 Þórarinn Eldjárn: Umhverfis Önsu – lausir þankar                              

15.15 Helga Kress: „Enda kallar það mig Hnallþóru hérna“: Um nafngiftir og nöfn í verkum Halldórs Laxness, merkingu og áhrif

15.45 Hildur Knútsdóttir: Hrím – upplestur og spjall