Oleksandr Mykhed, rithöfundur og kennari í ritlist við Taras Shevchenco þjóðarháskólann í Kiev í Úkraínu, flytur fyrirlestur í fyrstu málstofu misserisins. Fyrirlesturinn verður á ensku og kallast:

„Haunting Aurora Borealis: in Search of Fake, Myth and Authenticity in Contemporary Iceland.“

Oleksandr hlaut styrk Snorra Sturlusonar til að dveljast hér á landi í þrjá mánuði á þessu ári til að skrifa bók um Ísland og íslenska menningu. Í fyrirlestrinum fer hann yfir rannsóknir sínar á íslenskri sögu og samtíð og tilraun sína til að skilja hvað það merkir að eitthvað sé „íslenskt“.