Fimmtudaginn 27. febrúar kl. 13.30–15.30 verður haldið málþing í Eddu til heiðurs Ástu Svavarsdóttur, rannsóknardósents við Stofnun Árna Magnússonar í íslenskum fræðum. Ásta á að baki langan og farsælan starfsferil sem fræðimaður og kennari. Á málþinginu munu samstarfsmenn og vinir stíga á svið og flytja erindi sem tengjast Ástu og starfi hennar á Orðabók Háskólans og Árnastofnun.
Dagskrá
Helga Hilmisdóttir: Opnun málþings
Jón Hilmar Jónsson: Kolleginn Ásta – þankabrot um þrjátíu ár
Höskuldur Þráinsson: Ásta Svavars – kostir og gallar
Kristján Árnason: Beygingarkerfi, méranir og þágufallssýki
Margrét Jónsdóttir: „Forvitnilegt tilvik“ – um tökuorð og fordóma
Einar Freyr Sigurðsson: Málið á bréfum Jóns Sigurðssonar
Guðrún Þórhallsdóttir: Söguleg félagsmálfræði nemur land
Eiríkur Rögnvaldsson: Næstum hálf öld
Halldór Guðmundsson: Málfræðilegar útilegur
Kristín Svava og Ása Bergný Tómasdætur: Hulunni svipt af Ástu Svavarsdóttur sjötugri
Að málþingi loknu býður Árnastofnun upp á léttar veitingar.