Ársfundur Stofnunar Árna Magnússonar í íslenskum fræðum verður haldinn 10. apríl 2013 á Hótel Sögu, Kötlusal, kl. 8.15-10. Á fundinum verður sjónum beint að verkefnum yngri kynslóðar fræðimanna og listamanna sem hafa eflt starf stofnunarinnar á síðustu árum. Villuleitarforritið Skrambi er frábær nýsköpun á grunni gagna stofnunarinnar, gagnagrunnurinn Ísmús opnar almenningi aðgang að segulbandaupptökum, ný orð skjóta rótum í tungumálinu og kynni eru endurnýjuð við handrit sem vesturfarar tóku með sér til Kanada. Á hverju ári koma erlendir námsmenn til að læra íslensku.  Þannig verða nýir sprotar og ný þekking til.

Allir eru velkomnir.