Í tilefni af því að öld er liðin frá fæðingu Hermanns Pálssonar leggja Íslensku- og menningardeild Háskóla Íslands og Stofnun Árna Magnússonar í íslenskum fræðum saman krafta sína og efna til ráðstefnu í minningu hans. Ráðstefnan fer fram í Auðarsal í Veröld, Húsi Vigdísar 26. maí frá kl. 16−18.

Hermann var prófessor við Háskólann í Edinborg og var einn af áhrifa- og afkastamestu fræðimönnum á sviði íslenskra fræða á seinni hluta 20. aldar. Bækur hans skipta tugum og greinar hundruðum. Hann var einnig mikilvirkur þýðandi íslenskra fornbókmennta á enska tungu. Í gegnum þær kynntust fleiri kynslóðir lesenda um heim allan fornsögunum.

Ráðstefnan er öllum opin og þátttaka er ókeypis.

Dagskrá

– Eva María Jónsdóttir: Ráðstefnan sett.

– Vésteinn Ólason: Útlagar.

– Ásdís Egilsdóttir: Sagan okkar Hermanns.

– Magnús Hannesson: Af Sauðanesætt.

– Guðrún Nordal: „Var fagurt um að litast“.

– Ármann Jakobsson: Um völvur í forntextum.

– Aðalheiður Guðmundsdóttir: Bardaginn eilífi á Bretlandseyjum.

– Örnólfur Thorsson: „Margt er öðru líkt“ − Hermann Pálsson og Grettla.

– Annette Lassen: Morð, hauskúpur og mannát − eða lærð vinnubrögð edduhöfunda.

– Guðmundur Andri Thorsson: „Við brottför þína brugðu fjöllin lit“.

– Torfi H. Tulinius: Sagnaskemmtun, ritmenning og veisluhöld.

– Gísli Sigurðsson: Summer of Love og upphaf fornsagnaþinga.