Þriðjudaginn 12. nóvember verður rafræn útgáfa á Konungsbók eddukvæða, GKS 2365 4to, kynnt í fyrirlestrasal Eddu. Útgáfan er hluti af nýrri röð rafrænna textaútgáfna, Editiones Arnamagnæanæ Electronicæ, sem Árnastofnun á Íslandi og Árnasafn í Kaupmannahöfn standa að. Guðvarður Már Gunnlaugsson, Haraldur Bernharðsson og Vésteinn Ólason standa að þessari útgáfu Konungsbókar eddukvæða en árið 2019 kom út prentuð bók sem er hluti af sama útgáfuverkefni.