Handritasmiðja Árnastofnunar verður á opnu húsi í Bókasafni Mosfellsbæjar laugardaginn 18. september kl. 13−15. Fræðarar leiða gesti inn í heim horfinnar verkmenningar og gefa innsýn í handverk og efni við gerð bóka á miðöldum. Skólabörn eru sérstaklega velkomin og býðst að spreyta sig á að skrifa með fjaðurpenna og jurtableki á bókfell eins og tíðkaðist við ritun fornu skinnhandritanna. Stutt kynning á verkun skinns í bókfell, gerð bleks og lita til skreytingar, pennaskurði og bókbandi hefst kl. 14.