Árlegur fundur íslenskukennara við háskóla erlendis verður haldinn 11.–14. júní í Eddu í Reykjavík. Rætt verður m.a. um framhald íslenskukennslu í háskólum erlendis og ársskýrsla 2024–2025 verður kynnt.

Kennsla í íslensku og íslenskum fræðum við erlenda háskóla er mikilvægur þáttur í kynningu á íslenskri menningu og til eflingar íslenskri tungu. Þess vegna er eðlilegt að styðja þessa kennslu og auka hana, bæta starfsskilyrði og starfskjör kennaranna, efla gerð kennsluefnis og fjölga möguleikum til náms og námsstyrkjum til að ala upp nýjar kynslóðir þýðenda, rannsakenda og annarra sérfræðinga sem munu vinna á mismunandi sviðum í samfélaginu um heim allan.