Alþjóðlegur sumarskóli í handritafræðum á vegum Stofnunar Árna Magnússonar í íslenskum fræðum og Den Arnamagnæanske Samling í Kaupmannahöfn í samvinnu við Landsbókasafn Íslands – Háskólabókasafn er haldinn í Reykjavík 15.–25. ágúst. 

Boðið er upp á þjálfun í textafræði, handritafræði, uppskriftum norrænna handrita ásamt aðferðum í útgáfum texta eftir handritum.

Leiðbeinendur koma víðs vegar að. Auk íslenskra fræðimanna eru kennarar frá Danmörku, Kanada, Sviss, Svíþjóð og Ítalíu.