Beeke Stegmann er rannsóknarlektor á menningarsviði. Hún stundar bæði efnislegar handritarannsóknir sem einblína t.d. á gerð, samsetningu og varðveislusögu handrita og vinnur að fræðilegum prentuðum sem og rafrænum útgáfum. Beeke er stjórnandi þverfaglega verkefnisins „Bókagerð í Helgafellsklaustri á fjórtándu öld“ og er aðalrannsakandi í verkefninu „Hringrás pappírs“. Beeke kemur líka að skipulagningu alþjóðlega sumarskólans í handritafræðum fyrir hönd Stofnunar Árna Magnússonar í íslenskum fræðum og er í ráðgjafanefnd fyrir verkefnið „Resonating networks“. Enn fremur er hún á meðal umsjónarmanna gagnagrunnsins handrit.is, er í stjórn MUFI (Medieval Unicode Font Initiative) og varamaður í stjórn MENOTA (Medieval Nordic Text Archive) fyrir hönd stofnunarinnar.