Thomas Kempka er þýskur skiptinemi við Háskóla Íslands sem heldur úti vefsíðunni Digital Kunstrasen (www.digitalkunstrasen.net) sem gefur út og dreifir tónlist, ljóðlist og myndlist á Netinu. Thomas sat meðal annars í námskeiði um íslenska menningu og þar tók hann sér fyrir hendur að vinna verkefni með upptöku úr þjóðfræðisafni stofnunarinnar. Hann valdi ölvísuna, Krúsarlögur kveikir bögur, í upptöku frá 1957 og fékk sjö tónlistarmenn frá ýmsum löndum til að endurhljóðblanda upptökuna. Auk þess fékk hann ellefu manns til að þýða vísurnar, sem sungnar eru, yfir á jafnmörg tungumál, eða ensku, finnsku, frönsku, hollensku, ítölsku, kúrdísku, norsku, rúmensku, rússnesku, tékknesku og þýsku.
Afraksturinn hefur nú verið gefinn út á Digital Kunstrasen og hægt er að hlaða hljómdiskinum niður frá þessari slóð:
www.digitalkunstrasen.net/kunstrasen/release_detail.php?releasedka061&lngen
Einnig er hægt að nálgast bæklinginn með upplýsingum um verkefnið og þýðingunum hér:
www.digitalkunstrasen.net/kunstrasen/release_detail.php?releasedkl010&lngen