Nýtt hefti er komið út af tímaritinu Orð og tunga sem gefið er út af Stofnun Árna Magnússonar í íslenskum fræðum. Þema þessa heftis er Íslenska sem viðfangsmál í íslensk-erlendum orðabókum. Sjónarmið og aðferðir við öflun, val og framsetningu efnisins. Fjórar greinar fjalla um það viðfangsefni frá ýmsum hliðum og byggjast flestar þeirra á erindum sem haldin voru á málþingi tímaritsins vorið 2012. Auk þess er í heftinu grein um orðabókarstörf Konráðs Gíslasonar, tvær greinar um grunnlitarheiti í íslensku að fornu og nýju og ritdómur um Íslensk-spænska orðabók. Loks eru birtar ritfregnir um innlend og erlend rit á sviði tímaritsins og fréttir af væntanlegum ráðstefnum. Efnisyfirlit og útdrætti úr greinum má sjá á vefslóðinni www.arnastofnun.is/page/arnastofnun_timarit_ot_15.

Nánari upplýsingar um Orð og tungu eru á vefsíðu stofnunarinnar þar sem m.a. má panta áskrift (www.arnastofnun.is/page/timarit_ot).

Háskólaútgáfan sér um dreifingu tímaritsins.