Á færeyskri menningarhátíð á Kjarvalsstöðum í Reykjavík í gær var Ólafur Halldórsson, handritafræðingur, heiðraður sérstaklega fyrir starf í þágu menningartengsla frændþjóðanna tveggja, Færeyinga og Íslendinga.
Ólafur, sem varð níræður þann 18. apríl sl., hefur um áratugaskeið unnið að rannsóknum á handritum, textum og útgáfum á fornsögum.
Í tilefni afmælis Ólafs efndi Stofnun Árna Magnússonar í íslenskum fræðum til málstefnu honum til heiðurs sem haldin var á Leirubakka í Landssveit þann 16. apríl.