Ása Ólafsdóttir, prófessor við Lagadeild Háskóla Íslands, og Ágústa Þorbergsdóttir, málfræðingur hjá Árnastofnun, fengu styrk úr Nýsköpunarsjóði námsmanna til að vinna að gerð lögfræðiorðabókar með fulltingi laganemans Jóns Sigurðssonar Nordal. Heiti verkefnisins er Lögfræðiorðabók og myndun nýrra íðorða í lögvísindum. 

Unnið verður að orðabókinni í þrjá mánuði sumarið 2019 og markmiðið er að hún verði opin og aðgengileg öllum á vefnum þegar fram líða stundir.