Skip to main content

Fréttir

Norrænu íðorðadagarnir

Ágústa Þorbergsdóttir afhendir Norðmanninum Jan Hoel hina táknrænu regnhlíf sem merkir að næsta ráðstefna verður í Noregi 2017.

 

Norrænu íðorðadagarnir Nordterm 2015 voru haldnir í Reykjavík 9.–12. júní 2015 og tókust einstaklega vel. Málræktarsvið Árnastofnunar annaðist undirbúning þeirra í samvinnu við stjórnarnefnd Nordterm. Styrki veittu Nordplus, Clara Lachmanns Stiftelse og Letterstedtska Föreningen. Meginefni ráðstefnunnar var spurningin um ábyrgð á stjórnun íðorðastarfs (Forvaltning af fagsprog i samfundet:  Hvem har ansvaret? Hvem tager ansvaret?).

Aðalfyrirlesari var dr. Klaus-Dirk Scmitz frá Fachhochschule Köln. Haldin voru 28 önnur erindi um efnið á ráðstefnunni. Í tengslum við ráðstefnuna var jafnframt haldinn aðalfundur Nordterm, stjórnarfundir, vinnunefndafundir, námskeið og vinnustofa. Þátttakendur fóru einnig í ferðalag í Borgarfjörð. Í Reykholti var snæddur hátíðarkvöldverður og sr. Geir Waage sagði frá Snorra Sturlusyni.

 

Nordterm 2015, Reykjavík, 9.–12. júní. Dr. Klaus-Dirk Scmitz frá Fachhochschule Köln.

 

Nordterm 2015, Reykjavík, 9.–12. júní. Niina Nissilä og Sara Nyholm, frá Vaasa Universitet.

 

 

Sigrún Þorgeirsdóttir, Niels Rask Vendelbjerg og Ágústa Þorbergsdóttir í skemmtiferðinni.