Þriðjudaginn 21. maí var norski hluti ISLEX-veforðabókarinnar opnaður við hátíðlega athöfn í Litteraturhuset í Bergen. Vigdís Finnbogadóttir fyrrverandi forseti opnaði orðabókina og Johan Myking ávarpaði samkomuna fyrir hönd Bergens háskóla.
Í tengslum við opnuna var haldið málþing um íslenskt mál og íslenskar bókmenntir í Noregi. Idar Stegane, Bergsveinn Birgisson, ISLEX- þýðendurnir Tone Myklebost og Astrid Kjetså héldu fyrirlestra ásamt Jóni Hilmar Jónssyni frá orðfræðisviði Stofnunar Árna Magnússonar í íslenskum fræðum. Var málþingið vel sótt.
Sjá á vef Háskólans í Bergen.
Vigdís Finnbogadóttir opnaði norska hluta ISLEX-veforðabókarinnar í Bergen, maí 2013. Mynd/Þorsteinn G. Indriðason.
Bergsveinn Birgisson flytur erindi á málþingi í Noregi í tengslum við opnun norska hluta ISLEX (maí 2013). Mynd/Þorsteinn G. Indriðason.
Þýðendur heiðraðir á málþingi í Noregi í tengslum við opnun norska hluta ISLEX (maí 2013). Frá visntri Kjersti Lea, Ragnhild Svellingen, Margunn Rauset, Tone Myklebost, Astrid Kjetså og Silje Beite Løken. Mynd/Þorsteinn G. Indriðason.
Við opnun norska hluta ISLEX í maí 2013. Mynd/Þorsteinn G. Indriðason.