Skip to main content

Árnastofnun

Fréttir

Handritin flutt í Eddu

Allar fréttir
11. nóvember 2024

Mánudaginn 11. nóvember voru fyrstu miðaldahandritin flutt úr Árnagarði í nýtt öryggisrými í Eddu. Handritin hafa verið geymd í sérstakri öryggisgeymslu í Árnagarði síðan í upphafi áttunda áratugarins eða í tæp 55 ár. Hand­rit­in voru lengi sýnd í Árnag­arði á árum áður en því var hætt fyr­ir meira en tutt­ugu árum vegna bágrar aðstöðu og hve ótryggt sýningarrýmið var. Handritasýn­ing­ var í Þjóðmenningarhúsinu við Hverfisgötu á árunum 2002 til 2013 en henni var lokað vegna ör­ygg­is­mála.

Í upphafi voru aðeins tuttugu handrit flutt í Eddu en þau koma til með að vera sýnd á nýrri handritasýningu, Heimur í orðum, sem verður opnuð 16. nóvember kl. 14. Meðal þeirra eru gersemar eins og Konungsbók eddukvæða og Flateyjarbók. Sjá nánar á vef sýningarinnar.

Viðstödd flutninginn var Lilja Dögg Alfreðsdóttir, menningar- og viðskiptaráðherra, auk fréttamanna.

 

Hanskaklæddar hendur leggja plastaðan kassa á trillu.
Kassarnir sem geyma handritin á meðan flutningum stendur eru vel plastaðir.
SSJ
Tvær konur ýta trillu, á trillunni eru kassar sem vafðir eru inn í plast. Fólk um kring fylgist með.
Guðrún Nordal forstöðumaður Árnastofnunar og Lilja Dögg Alfreðsdóttir, menningar- og viðskiptaráðherra, flytja handritin úr geymslunni.
SSJ
Tvær konur ýta trillu og tala við fréttamenn með myndavélar og hljóðnema. Við hlið kvennanna stendur lögregluþjónn.
Lögreglumaður fylgir handritunum út í sendiferðabílinn.
SSJ
Lögreglubíll ekur inn í bílakjallara. Að baki hans sést í svartan sendibíl.
Lögreglubíll fylgir handritunum á milli húsa.
SSJ
Maður og kona skoða gamalt, stórt handrit. Að baki þeirra stendur kona og talar. Fjær stendur fólk.
Nokkur merkileg handrit til sýnis í fyrsta sinn í Eddu.
SSJ
Tvær konur standa við borð sem á hvíla handrit á svörtum púðum. Önnur stendur fyrir framan stórt og voldugt handrit og hin brosir til hennar. Fólk stendur álengdar fyrir framan bókahillur og fylgist með.
SSJ
Tvær konur standa við borð sem á eru handrit. Fyrir framan þær er fjölmiðlafólk með myndavélar og hljóðnema.
Lilja Dögg Alfreðsdóttir og Guðrún Nordal ræða við fjölmiðla.
SSJ
Kona stendur við handrit og talar við fjölmiðlakonu með hljóðnema. Einnig sést í myndavél.
Guðrún Nordal ræðir við fjölmiðla.
SSJ
Kona bendir á stað á handriti og ræðir við fjölmiðlamann sem stendur við hlið hennar.
Guðrún Nordal ræðir við fjölmiðla.
SSJ