Á degi íslenskrar tungu verður opnuð vefgáttin málið.is sem Stofnun Árna Magnússonar í íslenskum fræðum hefur unnið að síðustu misseri. Forseti Íslands, Guðni Th. Jóhannesson, opnar málið.is sem er vefgátt sem auðveldar almenningi aðgang að gögnum stofnunarinnar um íslenskt mál. Vefgáttin málið.is verður öllum opin, endurgjaldslaus og stækkar og vex að efni og upplýsingum með tímanum. Málið.is er þarfur þjónn þeim sem eru í námi á öllum skólastigum, fólki í ýmsum sérgreinum og öðrum þeim sem unna tungunni og vilja nýta þann hafsjó orða sem í henni býr.

Hátíðardagskrá í Björtuloftum í Hörpu (7. hæð)

á degi íslenskrar tungu 16. nóvember 2016 kl. 15–16

– Ljótikór syngur

– Forseti Íslands, Guðni Th. Jóhannesson, flytur ávarp

– Ari Páll Kristinsson: málið.is – ný vefgátt Árnastofnunar

– Forseti Íslands opnar málið.is

– Kynningarmyndband um málið.is

– Upplestur verðlaunahafa í Stóru upplestrarkeppninni

– Ávarp Illuga Gunnarssonar, mennta- og menningarmálaráðherra

– Afhending viðurkenningar á degi íslenskrar tungu

– Ávarp viðurkenningarhafa

– Upplestur verðlaunahafa í Stóru upplestrarkeppninni

– Afhending Verðlauna Jónasar Hallgrímssonar

– Ávarp verðlaunahafa

– Ljótikór syngur

Kynnir: Eva María Jónsdóttir

Léttar veitingar í boði mennta- og menningarmálaráðuneytis. 

Allir velkomnir á meðan húsrúm leyfir.