Dagur íslenskrar tungu verður haldinn hátíðlegur á fæðingardegi Jónasar Hallgrímssonar 16. nóvember.

Deginum hefur verið fagnað árlega frá árinu 1996 með því að leggja sérstaka rækt við íslenskt mál í samvinnu við fjölmiðla, stofnanir og félög. Á degi íslenskrar tungu eru jafnan veitt Verðlaun Jónasar Hallgrímssonar og sérstakar viðurkenningar fyrir störf í þágu íslensku.

Að þessu sinni verður hátíðin haldin í Eldheimum í Vestmannaeyjum.