Ársfundur Stofnunar Árna Magnússonar í íslenskum fræðum verður haldinn á Hótel Sögu, Harvard-salnum, kl. 8.15-10.00 síðasta vetrardag, 21. apríl 2010. Á fundinum verður fjallað um starfsemi og framtíðarsýn stofnunarinnar, og bent á þau miklu verðmæti sem búa í þeim margvíslegu gögnum (handritum, örnefnaskrám, þjóðfræðiefni, orðfræðasöfnum) sem stofnunin varðveitir. Stofnunin hefur markað sér skýra stefnu um opinn aðgang að þeim.