Gripla XVII er komin út

Gripla XVII (2006), sem gefin er út af Stofnun Árna Magnússonar í íslenskum fræðum, er komin út og er þetta 67. ritið í ritröð stofnunarinnar Rit Árnastofnunar. Að vanda er efnið fjölbreytt en þar er að finna sex viðamiklar greinar og minningarorð um látna fræðimenn.

Sigfúsarþing 12. og 13. október

Styrkir Snorra Sturlusonar lausir til umsóknar

Styrkir Snorra Sturlusonar - 2008 Umsóknarfrestur til 31. október 2007

Vefur Stofnunar Árna Magnússonar í íslenskum fræðum

Vefur Stofnunar Árna Magnússonar í íslenskum fræðum hefur verið settur upp. Útlitið hannaði auglýsingastofan H2 hönnun. Umsjón og skipulagning vefs var í höndum vefstjórnar stofnunarinnar. Efni hefur verið komið fyrir í SoloWeb vefumsjónarkerfinu. Unnið er að því að setja vefinn upp á Norðurlandamáli og ensku.

Styrkur til handritarannsókna í Kaupmannahöfn 2008

Ríkisstyrkur Árnastofnunar í Kaupmannahöfn fyrir árið 2008 er laus til umsóknar. Umsóknarfrestur rennur út 19. nóvember. Styrkurinn er veittur íslenskum ríkisborgurum til handritarannsókna í Den Arnamagnæanske Samling í Kaupmannahöfn.

Samræður við söguöld á ítölsku

Bókin 'Samræður við söguöld : frásagnarlist Íslendingasagna og fortíðarmynd' eftir Véstein Ólason hefur verið þýdd á ítölsku og nefnist: 'Dialoghi con l'era vichinga. Narrazione e rappresentazione nelle Íslendingasögur'. Þýðandi er Silvia Cosimini og útgefandi: Edizioni Parnaso, 2006.

Skemmtisaga úr heimi handrita

  Verkefni starfsmanna stofnunarinnar eru eins ólík og þau eru mörg. Óhætt er að segja að sum vekja meiri áhuga og kátínu hjá þjóðinni en önnur.

Dagur íslenskrar tungu

Frá árinu 1996 hefur 16. nóvember, sem er fæðingardagur Jónasar Hallgrímssonar, verið haldinn hátíðlegur og nefndur dagur íslenskrar tungu. Nánari upplýsingar um daginn og viðburði honum tengdum má fá á heimasíðu menntamálaráðuneytis: 

Menntamálaráðherra opnar vefsíðu stofnunarinnar

Í tilefni af degi íslenskrar tungu, 16. nóvember, heimsækir menntamálaráðherra, Þorgerður Katrín Gunnarsdóttir, Stofnun Árna Magnússonar í íslenskum fræðum. Ráðherrann mun kynna sér starfsemi stofnunarinnar, ræða við stjórnendur og starfsfólk og opna formlega nýja vefsíðu Stofnunar Árna Magnússonar í íslenskum fræðum.

Málstofu frestað

Málstofu Stofnunar Árna Magnússonar í íslenskum fræðum sem vera átti föstudaginn 23. nóvember hefur verið frestað vegna árekstra við aðra viðburði. Gunnlaugur Ingólfsson mun flytja fyrirhugað erindi sitt ,,Tvær ritgjörðir eftir Sveinbjörn Egilsson" í málstofu föstudaginn 4. janúar 2008 kl. 15:00.