Laugardaginn 16. maí klukkan 14 mun Guðrún Nordal, prófessor og forstöðumaður Árnastofnunar, veita leiðsögn um íslensku handritin sem fengin voru að láni frá Svíþjóð og verða til sýnis í Eddu næstu sex mánuði. Handritin fimm eru: Hómilíubókin sem skrifuð var um 1200, Uppsala-Edda, eitt af fjórum aðalhandritum Snorra-Eddu, eitt af aðalhandritum Grettis sögu, Bergsbók sem geymir konungasögur og er auk þess elsta handrit kvæðisins Lilju og loks handrit Snorra-Eddu frá 17. öld.  

Athugið takmarkað pláss.

Vinsamlegast skráið ykkur hér.