Skip to main content

Íslenska sem annað mál

Íslenska sem annað mál
Stofnun Árna Magnússonar í íslenskum fræðum hefur með höndum hið mikilvæga hlutverk að styðja nám í íslensku sem öðru máli í háskólum víða um heim. Stofnunin hefur umsjón með kennslu í íslensku og þjónustu við háskólakennara í íslensku við erlenda háskóla af hálfu íslenskra stjórnvalda. Stofnunin á aðild að norrænni samstarfsnefnd um kennslu í Norðurlandafræðum erlendis. Stofnunin býður einnig upp á alþjóðlegt sumarnámskeið í íslensku sem nýtur gríðarlegra vinsælda.
Sumarnámskeið í íslensku fyrir erlenda nemendur
Stofnun Árna Magnússonar í íslenskum fræðum og hugvísindasvið Háskóla Íslands standa fyrir sumarnámskeiðum ár hvert í íslensku máli og bókmenntum, sögu og samfélagi. Annars vegar er boðið upp á Nordkursnámskeið ætlað norrænum nemendum og hins vegar alþjóðlegt námskeið fyrir útlendinga sem áhuga hafa á íslensku nútímamáli og menningu.
Icelandic Online: vefnámskeið í íslensku
Icelandic Online er öllum opið og er aðgangur ókeypis. Námskeiðið er einkum ætlað erlendum háskólanemum en einnig öðrum sem áhuga hafa á íslensku máli og menningu, bæði erlendis og hér á landi. Nemendur sem taka þátt í sumarnámskeiðum í íslensku á vegum hugvísindadeildar og Stofnunar Árna Magnússonar í íslenskum fræðum þurfa að hafa lokið Icelandic Online 1.
Styrkir
Stofnun Árna Magnússonar í íslenskum fræðum annast umsýslu með styrkjum mennta- og menningarmálaráðuneytis til erlendra stúdenta til íslenskunáms við Háskóla Íslands. Á hverju ári er boðið upp á 17 styrki sem ætlaðir eru erlendum nemendum sem hafa áhuga á að læra íslenska tungu og miðla henni áfram.
Íslenskukennsla erlendis
Stofnun Árna Magnússonar í íslenskum fræðum hefur umsjón með kennslu í íslensku og þjónustu við háskólakennara í íslensku við erlenda háskóla af hálfu íslenskra stjórnvalda.
Íslensk stjórnvöld styðja við íslenskukennslu í eftirfarandi löndum.
Handbók sendikennara
Hér má finna margþættan þjóðlegan fróðleik sem safnað var um árið 2000 um Ísland og Íslendinga. Í textanum má m.a. finna ýmislegt um stjórnmál, veðurfar, landafræði, menntamál og lífið í landinu.
Kennslubækur um íslensku
Listi yfir bækur um íslenskt mál, menningu og sögu. Hann er einkum hugsaður fyrir erlenda nemendur í íslensku og fyrir þá sem vilja reyna að læra íslensku eða kynna sér íslenska menningu og sögu á eigin spýtur.