Þessa dagana er unnið að verkefni sem felst í því að skanna vatnsmerki sem finnast í pappír frá 17. öld og notaður var á Íslandi. Verkefnið sem kallast „Hringrás pappírs“ er unnið í samstarfi við Landsbókasafn Íslands – Háskólabókasafn. Fraunhofer Institute for Factory Operation and Automation í Magdeburg í Þýskalandi kemur einnig að verkefninu sem verktaki. Markmiðið er að greina hvaðan pappírinn kom til landsins og skilja betur hvernig hann var notaður, t.a.m. hversu gamall hann var þegar á hann var skrifað. Verkefnið stendur yfir í tvær vikur og verða allt að 150 vatnsmerki skönnuð á hverjum degi.
Á myndunum má sjá Silviu Hufnagel sem starfar við verkefnið, Andreas Herzog frá Fraunhofer IFF-stofnuninni í Magdeburg og Vasarė Rastonis forvörð Árnastofnunar. Sjá má hvernig þau búa handrit undir ljósmyndun með sérstakri litrófsmyndavél (e. hyperspectral camera).
![Maður og kona virða fyrir sér tölvuskjá. Hillur með kössum á bak við þau.](/sites/default/files/styles/news_image/public/skonnun_vatnsmerkja_ii.jpg?itok=UYrMFzxA)
![Í forgrunni tölvuskjár með óljósri mynd af handriti. Í bakgrunni, í fókus, vinnur kona við einhvers konar búnað.](/sites/default/files/styles/news_image/public/skonnun_vatnsmerkja_iii.jpg?itok=f7y1uHxV)
![Í forgrunni handrit með eina síðu upprétta og upplýsta. Í bakgrunni glittir í mann.](/sites/default/files/styles/news_image/public/skonnun_vatnsmerkja_i.jpg?itok=_bYKbMIV)
![Í forgrunni tölvuskjáir og kaplar, í bakgrunni tvær konur sem stilla tæki.](/sites/default/files/styles/news_image/public/skonnun_vatnsmerkja_iv.jpg?itok=UQ9AutBG)