Stofnun Árna Magnússonar í íslenskum fræðum auglýsir laust til umsóknar starf sérfræðings á skrifstofu fjármála, tímabundið til eins árs. Fram undan eru miklar breytingar hjá stofnuninni og leitum við að öflugum aðila sem er tilbúinn að taka þátt í breytingaferlinu með okkur. Í boði er áhugavert, krefjandi og fjölbreytt starf á líflegum vinnustað.

Helstu verkefni og ábyrgð 

• Verkefni tengd bókhaldi og rekstri 
• Launavinnsla 

• Aðkoma að rekstraráætlanagerð 
• Uppgjör og önnur verkefni á fjármálasviði

Hæfniskröfur 

• Háskólamenntun sem nýtist í starfi 
• Reynsla af bókhaldi og verkefnum tengdum fjármálum 
• Þekking á Oracle bókhalds- og mannauðskerfinu er kostur 
• Góð íslenskukunnátta og færni í rituðu máli 

• Nákvæmni í vinnubrögðum 
• Færni í mannlegum samskiptum
• Hæfni til að vinna sjálfstætt

Frekari upplýsingar um starfið 

Laun samkvæmt gildandi kjarasamningi sem fjármála- og efnahagsráðherra og félags háskólakennara hafa gert. 

Æskilegt er að viðkomandi geti hafið störf sem fyrst.  

Áhugasamir eru hvattir til að sækja um starfið, óháð kyni. 

Með umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og hvernig viðkomandi uppfyllir þær hæfniskröfur sem gerðar eru. Öllum umsóknum verður svarað þegar ákvörðun um ráðningu liggur fyrir.  

Starfshlutfall er 100% 

Umsóknarfrestur er til og með 19.1.2023 

Nánari upplýsingar veitir 

Sigurborg Stefánsdóttir, fjármálastjóri –sigurborg.stefansdottir@arnastofnun.is – sími 525 4025