Steina Vasulka vídeólistamaður og maður hennar Woody dvelja nú í fræðimannsíbúð Stofnunar Árna Magnússonar í íslenskum fræðum. Steina er komin til Íslands að kynna sér handritin í safni Árnastofnunar og myndefni þeirra til að fá innblástur í list sína.
Steina fæddist í Reykjavík og lærði klassíska tónlist og fékk námsstyrk til að fara á listaskóla í Prag árið 1959. Þar kynntist hún manni sínum Woody Vasulka. Steina og Woody fluttu til New York borgar árið 1965 og voru þar brautryðjendur í vídólist sem þau sýndu í Whitney safninu. Frá árinu 1980 hafa þau búið í Santa Fe í Nýju Mexíkó.
 |
 |