Sagnaþing í héraði - Þingeyraþing
Þingeyrakirkju
18.-19. ágúst 2007 

Stofnun Árna Magnússonar í íslenskum fræðum og heimamenn í héraði gangast fyrir þingi um Þingeyraklaustur sem ritstofu, Vatnsdælasögu og skáldasögur í Þingeyrakirkju 18. og 19. ágúst 2007

Þátttaka tilkynnist Stofu Sigurðar Nordals fyrir 10. ágúst nk. Þátttökugjald greiðist á ráðstefnustað eða inn á bankareikning Stofnunar Árna Magnússonar í íslenskum fræðum fyrir þingið.


Erindi flytja: Gottskálk Jensson, Guðrún Nordal, Gunnar Karlsson, Helgi Þorláksson, Magnús Hauksson, Sverrir Tómasson, Torfi H. Tulinius og Þór Hjaltalín.

Dagskrá þingsins hefst kl. 13.00 laugardaginn 18. ágúst og lýkur kl. 11.00 sunnudaginn 19. ágúst. Sækja dagskrá (pdf, 48 k)

Að dagskránni lokinni er þinggestum boðið að taka þátt í ferð um söguslóðir á Þingeyrum og í Vatnsdal undir leiðsögn Magnúsar Haukssonar og Þórs Hjaltalíns.

Kvöldverður í veitingahúsinu Við Árbakkann á Blönduósi.

Þátttökugjald 1.500 kr. Gjald fyrir stúdenta og lífeyrisþega 500 kr.
Gjald fyrir söguferð 3.000 kr. með hádegismat.
Kvöldverður 3.000 kr.
 

Stofnun Árna Magnússonar í íslenskum fræðum þakkar 
Blönduósbæ, Landsvirkjun, menntamálaráðuneyti og Þingeyrakirkju veittan stuðning við sagnaþing í héraði.