Fundur íslenskulektora sem starfa erlendis

Árlegur fundur íslensku sendikennaranna erlendis verður haldinn í Gautaborgarháskóla, 26.–27. maí. Alþjóðasvið Stofnunar Árna Magnússonar í íslenskum fræðum annast skipulag fundarins og undirbúning hans í samráði við íslenskulektorana erlendis. Á fundinum verður rætt um kennslu í íslensku fyrir útlendinga, kennslufræði tungumála, kennslubækur í íslensku fyrir útlendinga, íslenska menningarkynningu erlendis og íslensk fræði.