Fjögurra vikna alþjóðlegt sumarnámskeið í íslensku hefst þann 2. júlí.  Stofnun Árna Magnússonar í íslenskum fræðum efnir til námskeiðsins í samvinnu við hugvísindadeild. Þetta er í 21. skipti sem slíkt námskeið er haldið í Háskóla Íslands. Um 35 erlendir stúdentar sækja námskeiðið. Auk íslenskunámsins hlýða nemendur á fyrirlestra um íslenskt samfélag og menningu og heimsækja sögustaði á Suður- og Vesturlandi. Alþjóðleg sumarnámskeið í íslensku eru haldin ár hvert. Nánari upplýsingar á ensku.