Skip to main content

Tiodielis saga

Útgáfuár
2009
ISBN númer
9979654074
Tiodielis saga er ævintýri sem sver sig í ætt við riddarasögur. Hún er varðveitt í 24 íslenskum handritum, hið elsta er skinnhandrit frá 16. öld og hið yngsta á pappír frá því um 1900. Þrennar rímur hafa verið ortar út af sögunni, þær eru til í fjölda íslenskra handrita.

Tiodielis saga segir frá riddara sem hverfur úr konungshirð á skóga, fer úr klæðum sínum og tekur á sig dýrsham og etur skógardýr og hefur eftir þeirra náttúru. Kona hans og elskhugi hennar fela klæði riddarans sem þá festist í dýrshamnum og fjallar sagan síðan um hvernig hann nær aftur lífi með mannseðli. Söguefnið er hliðstætt norskri miðaldaþýðingu á frönsku kvæði, Lai de Bisclavret, sem talið er samið af Marie de France á 12. öld.

Tiodielis saga er hér gefin út í þremur íslenskum gerðum, stafrétt eftir völdum aðalhandritum ásamt orðamun úr öðrum handritum sem hafa textagildi. Tove Hovn Ohlsson mag. art. hefir annast þessa frumútgáfu sögunnar sem var lokaritgerð hennar til mag. art. prófs í nordisk filologi við Kaupmannahafnarháskóla vorið 1992.
Kaupa bókina