Málheildin inniheldur fréttir, alþingisræður, dóma, lög og reglugerðir, bloggfærslur og greinar af netinu, texta Wikipediu og Vísindavefsins og útgefnar bækur.

Málheildin er safn af fjölbreyttum textum sem eru geymdir í stöðluðu sniði í rafrænu formi. Orð í textunum eru greind málfræðilega og hverjum texta fylgja bókfræðilegar upplýsingar um verkið sem textinn er úr. Málheildin er ætluð fyrir málrannsóknir og til notkunar í máltækniverkefnum.

Í safninu eru gamlir og nýir textar af ýmsum toga sem skiptast á milli 30 efnisflokka. Textasafnið er mikilvægt hjálpargagn þeim sem fást við rannsóknir sem varða íslenskt mál, sagnfræði o.fl.

Skrá yfir orðmyndir sem koma fyrir í tilteknum texta eða textum, ásamt upplýsingum um nánasta samhengi þeirra. Gerðir hafa verið slíkir orðstöðulyklar fyrir nokkra texta og textaflokka úr textasafninu. Þetta eru einkum gamlir textar sem ekki eru háðir höfundarrétti eða textar sem leyfi hefur fengist til að nota í þessu samhengi.

Í málheildinni er veittur aðgangur að rafrænum textum Íslendingasagna, Sturlungu, Heimskringlu og Landnámabókar. Leita má í textunum og einnig er unnt að sækja textana og nota þá við málrannsóknir og í máltækniverkefnum.

Málheild (ParIce) ætluð fyrir þjálfun á vélþýðingabúnaði. Hún samanstendur af ýmsum undirmálheildum. Sumar þeirra voru settar saman frá grunni en öðrum safnað af vefnum, þeim síðan samraðað og síaðar.

Málheild fyrir íslenskar munnmælasögur og sú fyrsta sinnar tegundar á Íslensku. Gögn málheildarinnar Gamla eru fengin úr hljóðritum þjóðfræðisafns Árnastofnunar sem öll eru aðgengileg á ismus.is.

Safnið spannar tímabilið frá 1540 til nútímans. Gagnasafnið geymir upplýsingar um öll orð í Ritmálssafni Orðabókar Háskólans auk notkunardæma um flest þeirra. Auk þess eru þar upplýsingar um heimildirnar sem dæmin eru sótt til.

Skráin er unnin upp úr tölvuskráðum notkunardæmum úr Ritmálssafni Orðabókar Háskólans sem spanna íslenskar ritheimildir allt frá miðri 16. öld. Í skránni birtist fjölbreytileg mynd af notkun einstakra orða í föstum samböndum og í dæmigerðu samhengi við önnur orð.