Hér er hægt að hlusta á fyrirlestur sem Veturliði Óskarsson, prófessor í norrænum fræðum við Uppsalaháskóla, flutti í Eddu 12. september 2026.

Efni fyrirlestrarins

Í erindinu er einkum hugað að einu af elstu handritum Grettis sögu, skinnhandriti frá um 1500 sem varðveitt er í háskólabókasafninu í Uppsölum.

Þetta handrit er einmitt á handritasýningunni í Eddu (til 9. nóvember 2026) og er eitt fimm merkilegra handrita sem fengin voru að láni frá Uppsölum og Stokkhólmi síðastliðið vor.

Veturliði rekur sögu handritsins og segir frá skrifara þess um leið og hann rifjar svolítið upp efni Grettis sögu.